As Ondas do Miño é un proxecto de innovación educativa que levamos a cabo no Ceip Plurilingüe Manuel Sieiro; e que consiste na creación dun grupo de comunicación audiovisual que conta con xornal escolar, canle de televisión e programa de radio. Todo esto realizado polos rapaces e rapazas do cole de Crecente.
Este xoves 30 de novembro presentamos ante o alumnado o último proxecto do Equipo de Dinamización da Lingua Galega: un programa especial da nosa tv. online; centrado na festa do Samaween que celebramos no Ceip Plurilingüe Manuel Sieiro de Crecente.
Nesta ocasión foron os compañeiros e compañeiras de 5º e 6º os encargados de presentar tanto o programa como a reportaxe que o acompaña.
Despois de moito traballo, pois facer radio dá moito chollo, por fin podemos presentarvos o último RadioSieiro, un programa de podcast realizado polos alumnos e alumnas do Ceip Plurilingüe Manuel Sieiro, dirixidos polo dinamizador da Lingua Galega.
Na RadioSieiro participan todos os cursos escolares, cada un coa súa misión. Así, mentres os maiores foron os encargados de presentar e dirixir, os máis pequenos de infantil adicáronse ás cuñas e sintonías do programa; así como os de 1º, 2º, 3º e 4º, presentaron diversas seccións adicada á cultura e arte.
Cabe destacar a sección medioambiental que prepararon os rapaces e rapazas de 5ºde primaria; na que nos ofrecen unha serie de consellos e recomendacións para o coidado do noso medio moi interesante e formativa.
Ademais, seguindo co espíritu de autoproducción, tamén incluimos no programa a canción que grabou o grupo do cole, a Aula i9 Band, ao longo do curso. Trátase dunha versión do famoso tema de Suso Vaamonde, Galicia.
Para rematar, lembrade que RadioSieiro é un dos tres proxectos anuais que forman parte dunha iniciativa maior, As Ondas do Miño Comunicacións; un proxecto de comunicación audiovisual e desenvolvemento das capacidades lingüísticas en galego; co que xa levamos uns cantos anos; e que está formado polo programa de radio; "O Rebusco", o noso xornal escolar; e "As Ondas do Miño Tv", o programa de tele.
Deixámosvos os enlaces para que podades disfrutar de todos estes contidos:
O Rebusco é a revista anual que realizamos no CEIP Plurilingüe Manuel Sieiro; e na que participan todos os nenos e nenas; mestres e mestras do cole; coordinados polo Dinamizador da Lingu Galega.
Ademais é un dos tres bloques fundamentais do proxecto en comunicación audiovisual en galego que realizamos no cole; e ao que chamamos "AS ONDAS DO MIÑO COMUNICACIÓNS"; xunto ao programa de tv (AS ONDAS DO MIÑO TV) e o programa de radio (RADIOSIEIRO).
Aquí vos deixamos o último programa de As Ondas do Miño Tv, un proxecto audiovisual en galego no que participan todos os nenos e nenas do cole de Crecente; simulando un "magazine televisivo"
no que alternamos noticias, reportaxes, seccións cuturais, etc.
Este é un dos pilares que conforman "As Ondas do Miño Comunicacións"; o noso proxecto de comunicación audiovisual en galego; e que consta de tres partes: o programa de tele online, que vos presentamos ágora; un programa de radio, RadioSieiro, que publicaremos a próxima semana; e un xornal escolar, O Rebusco, que se entrega a final de curso.
