E por fin chegou o 3º programa de As Ondas do Miño.
Nesta ocasión foi presentado maxistralmente polos nenos e nenas do 1º Ciclo de Primaria.
Non vos perdades as diversas seccións que enchen este programa:
-Reportaxe ampla sobre a Semana Cultural, destacando a visita a Residencia da 3ª Idade de Crecente; a Bibliofesta cos pais e nais; ou o festival de Nadal, no que nos visitaron os nenos da Galiña Azul.
-Entrevista ao grupo Mel de Meiga, que nos ofreceu un concerto exclusivo.
-Presentación do Clube de Xadrez, a cargo da profe de Ed. Física.
-Os Pequenos Cativos achégannos unha reportaxe sobre a Biblioteca que non vos podedes perder.
-E moito máis...
Temos que dar as grazas a todos os mestres, mestras, pais e nais que colaboraron na realización deste programa, xa que moitas das actividades que presentamos (saída á Residencia; Bibliofesta; Obra de Teatro, preparación de guións cos nenos e nenas...) non serían posibles sen a súa axuda e apoio.
Disfrutade co 3º Programa de As Ondas do Miño.
As Ondas do Miño é un proxecto de innovación educativa que levamos a cabo no Ceip Plurilingüe Manuel Sieiro; e que consiste na creación dun grupo de comunicación audiovisual que conta con xornal escolar, canle de televisión e programa de radio. Todo esto realizado polos rapaces e rapazas do cole de Crecente.
